Bart gauean Bilboko Errekalde auzoan autobus bati molotov koktelak jaurti dizkiote eta piztutako suaren ondorioz, etxebizitza bat hustu behar izan dute, Ertzaintzak jakinarazi duenez. Horrez gain, inguruan zeuden hainbat ibilgailuk ere kalteak jasan dituzte.
Erasotutako autobusa hutsik zegoen erasoa gertatu den unean. Aurpegia estalita zuten lau lagunek autobusa harri bat jaurtita gelditu zuten eta gidariari ibilgailutik jaitsi ondoren, molotov koktelak jaurti zituztela jakinarazi du Ertzaintzak.
Ondarroan (Bizkaia) Caixa, Euskadiko Kutxa eta BBVA bankuen egoitzei eraso egin diete hainbat lagunek, Eusko Jaurlaritzako Herrizaingo Sailaren arabera. Gertaera 23:30ak inguruan jazo zen. Hainbat zabor edukiontzi ere erre ziren erasoaren ondotik.
politika
Kale erasoak egin dituzte Bilbon eta Ondarroan
Iruzkinak
Ez dago iruzkinik
Ordenatu
