Juan Kalparsorok "uko egiten" dio Ines del Riori "terrorista edo hiltzaile" deitzeari, "26 urteko kondena bete duelako", eta beraz, gizarteari ez dio ezer zor. "Biktimen mina errespetatu" behar dela uste duen arren, ez zaio egokia iruditzen Parot doktrina-z Estrasburgok eman duen erabakiaren inguruan erabiltzen den hizkuntz juridikoa. Ines del Rio "terrorista izan da, dudarik gabe, baina dagoeneko ez da".
Kalparsororen arabera, Espainian eta beste hainbat herritan betetzen dena baino zigor zorrotzagoa izan du, gainera, Del Riok: "Ulertu ahal izango da leporatu zaizkion hilketak izugarriak direla, hori ez du inork zalantzan jartzen, baina onartu behar da gainerako zigortuek baino betetze zorrotzagoa izan duela, eta Espainian eta hainbat herritan aplikatzen dena baino denbora gehiagoan".
