Kamioi gidari bat hil da Zestoan, istripuz

Azpeitia eta Zestoa bitarteko errepidean kamioi batek eta auto batek elkar jo dute. Kamioia ibaira erori da, eta azpeitiar gidaria barruan harrapatuta gelditu da, hilda.

Auto gidaria, 22 urteko azkoitiarra, larri zauritu da, eta Mendaroko erietxera eraman dute. Errepidea itxita egon da, baina orain irekita dago.

Goizeko 6:45 inguruan izan da istripua, GI-631 errepidean.