Oñatiko Udalaren (Bildu) webgunean urrian agertutako mezuak eta, berriki, Iosu Lizarralde alkateordeak etxean jasotako mehatxu gutuna «oztopo» dira Euskal Herrian irekitako aro politiko berrian aurrera egiteko, Bilduko udal taldearen aburuz. Lizarralderi elkartasuna agertuz eta kargudun politikoen aurkako mehatxuak gelditzeko eskatuz, mozioa aurkeztu du koalizioak osoko bilkuran; datorren astean eztabaidatuko da.
Era berean, udalak ohartarazi du mehatxuek ez dutela «helburua lortuko», eta horien aurka «konpromiso aktiboa» eskatu dio gizarteari. Udalak, berriz, gatazka politikoaren irtenbidea sustatzeko, «dagokion jarduera instituzionalean urratsak egiteko konpromisoa» hartu du.
Kargudunen aurkako mehatxuak gelditzeko eskatu dute Oñatin
Iruzkinak
Ez dago iruzkinik
Ordenatu
