Karlos Martin euskal presoa (Lasarte-Oria) aske gelditu da gaur goizean, Martutene Donostiako espetxean. 19:30ean egingo diote aurreneko harrera, Usurbilen.
2003ko urrian atxilotu zuten, operazio zabal batean. 2006ko ekainean 30.000 euroko bermea ordainduta libre geratu zen, baina lehengo urteko urrian atzeman zuten berriro, zigorra osorik betetzeko.
Patxi Segurolaren aurkako estradizioa onartu du Parisek
Frantziako Justiziak Patxi Segurolaren (Aginaga) kontrako bi estradizio eskaera onartu ditu gaur, Parisen. Segurolak urtebete darama Frantzian konfinatuta, hamabost urteko kartzela zigorra bete zuen arren.
Iker Iparragirre bihar Espainiara Frantziatik
Iker Iparragirre euskal presoa (Azpeitia) Espainiaren esku utziko du bihar Frantziak, hor ezarri zioten zigorra bete ondoren. Auzitegi Nazionaleko epailearen aurrera eramango dute, arratsaldean. 2007an atzeman zuten, ETArekin lotuta.
