"Noiznahi euskarak pairatzen dituen erasoei aurre egiteko erantzunik hoberena, euskaldun guztiok bat eginik, egungo erdal esparru zapaltzailea esparru soziolinguistiko euskalduna bihurtzea da". Hori idatzi du Aierbek Ereiaro kanalean eskegitako iritzi artikuluan.
Erasoei erantzun! du izenburu artikuluak, eta Jose Ignacio Wert Espainiako Hezkuntza ministroak egin asmo duen erreforma du abiapuntu: "Euskal Herriaren aurkako mendeetako zapalkuntza politikoaren barruan, gurea ez den nortasun arrotza inposatu digute eta inposatu nahian jarraitzen dute. Madrildik datozen albisteak, euskaldunok lasai egotekoak ez dira. Oraingoan, Wert hezkuntza eta kultura ministro espainiarraren adierazpen eta mehatxuak izan dira".
