Kaskagorriren dorreak, Arriaga antzokiaren atzeko txosnarenak, su hartu du. Badirudi "arazo tekniko" baten ondorioz gertatu dela, baina oraindik ez dute guztiz argitu zergatik piztu den.
Hala ere, arazoa berehala konpondu dutela jakinarazi dute Kaskagorriko kideek. Gaur goizean sua ikustean, txosnara hurbildu, eta laguntzeko deia egin dute, eta hainbat pertsona joan dira laguntzera. Sare sozialetan, jasotako laguntza eskertu dute.
Orain suteak eragindako kalteak konpontzen saiatuko direla jakinarazi dute, jaietarako txosna espero bezala izateko: "Pena da, oso polita geratzen ari baitzen".
