Kataluniako bikote bat hil da errepide istripu batean

TUTERA. Senar-emazte batzuk hil dira, A-68 errepidean istripu bat edukita, Tuteran (Nafarroa). Autoa bidetik atera zen, eta zubi baten zutabea jo zuen. Goizeko hamarrak laurden gutxi aldera jazo zen ezbeharra, atzo. Gizona, 76 urtekoa, bertan hil zen; emaztea, 75 urtekoa, erietxean. Katalanak ziren. Bestalde, andre bat harrapatu zuen auto batek Foruan (Bizkaia), atzo. Galdakaoko erietxera eraman zuten, larri.