Ibarretxeren planaren edukiekin bat datorrela azaldu du Maragallek, baina ez dela horrela gertatzen formekin. Hala ere, Kataluniako proposamenak eta Ibarretxerenak helburu berdinak dituztenez, etorkizunean bat egitea espero duela azpimarratu du.
Akordioetara iristeko ardura eta beharra dutela esan du Maragallek, "herriak ondo gobernatuak sentitu daitezen, eta era berean, batera zerbait komuna osatzen dugun herri lagun eta anaiak konpainia ona direla sentitu dezaten".
Kataluniako estatutuaren erreforma eta EAEkoa leku berberera daramaten bide desberdinetatik doazela iritzi dio Ibarretxek. Era berean, bi legebiltzarretan egingo diren eztabaidak eta hartuko diren erabakian errespetatzeko eskaria egin du.
Politika
Kataluniako estatutuaren erreformak eta Ibarretxeren Planak etorkizunean bat egingo dutela uste du Maragallek
Kataluniako Gobernuko presidente Pasqual Maragallek esan duenez, Jaurlaritzaren Estatutu Berrirako proposamena —Ibarretxeren Plana deiturikoa— eta Kataluniako estatutuaren erreformako proposamena oso antzekoak dira edukietan, ez ordea formetan. Beraz, etorkizunean itxura bera hartuko dutelakoan dago. Maragall Eusko Jaurlaritzako Lehendakari Juan Jose Ibarretxerekin bildu da gaur, Ajuria Enean.
Iruzkinak
Ez dago iruzkinik
Ordenatu
