Diada egunean Bartzelonan sinatu zuten Asturias, Galizia, Castilla, Mallorka, Valentzia, Aragoi eta Euskal Herriko zortzi erakunde abertzalek irailaren 27an "Principateko herritarrek hartuko duten erabakiarekiko errepestua" aldarrikatzem duen adierazpena. Andecha Astur, Bloque Nacionalista Galego (BNG), Bloc Nacionalista Valencia (Bloc), Chunta Aragonesista ( CHA), Euskal Herria Bildu (EH Bildu), Izquierda Castellana (Izca), Mes per Mallorca (MES) eta Puyalon de Cuchas-ek izenpetu dute adierazpena.
Hauteskundeen izaera plebiszitarioa onartzeko ez ezik, zortzi erakundeen artean elkarlana sustatzeko asmoz ere izenpetu dute adierazpena.
Kataluniako prozesuak "estatuko nazio eta herri desberdinen etorkizunean" eragina izango duela deritzote. "Europako Batasunak eta Espainiako Estatuak egoerari aurre egingo dieten moduak determinatuko du, hein handi batean, gure nazioek euren erabakiak hartzeko errespetuzko marko bat bideratzeko aukera".
