Ezbeharra
Ke laino handia zabaldu da Iurretan, paper fabrika batean sutea izan eta gero
Iurretako (Bizkaia) paper lantegi batek su hartu du gaur goizean. Suhiltzaileek laster lortu dute garrak amatatzea eta ez da inor zauritu. Hala ere, ke laino handia zabaldu da inguru guztian.
Jaurlaritzako Herrizaingo Sailak agertu duenez, goizeko seiak aldera piztu da sua fabrikako makinetako batean. Langileek berehala deitu diete suhiltzialeei eta sei eta erdietarako kontrolpean zuten sua, eta ez dute inor zauritu. Lantegi barruan bakarrik eragin ditu kalteak suteak, baina ke laino handia zabaldu da inguru guztira. Ke hori zenbateraino den kaltegarria ez dute argitu oraindik.
Iruzkinak
Ez dago iruzkinik
Ordenatu
