Kepa Urra euskal presoa (Aretxabaleta, Gipuzkoa; 1956) Puerto Santa Maria (Cadiz, Espainia) espetxean zegoen, baina pasa den asteburuan kartzela horretatik atera zutenetik haren senideek ez zuten berririk. Orain, Almeriako (Espainia) espetxera eraman dutela jakinarazi du Amnistiaren Aldeko Mugimenduak.
Pasa den ostiralean Urra Puerto Santa Mariako espetxezainek "odoletan utzi arte jo" zuten gose greba egiten ari zelako, AAMren arabera. Kartzelazainek egun horretan espetxez aldatu zuten, baina Urraren familiartekoei ez zien haren kokalekuaren berri eman.
"Aurrez aurrekoen ostean biluztera behartzen dituztelako hasi zuen gose greba Urrak, kartzela horretan dauden gainerako euskal presoekin batera", AAMk jakinarazi duenez. Cadizko espetxean dauden euskal presoek gose grebarekin jarraitzen dute.
Azken astean Puerto Santa Maria espetxeko hainbat euskal preso Espainiako beste kartzela batzuetara lekualdatu dituze: Josu Ziganda Jaenera, Igor Gonzalez Granadara, Karlos Trenor Malagara,Juan Carlos Arritu Kordobara eta Patxi Ruiz Huelvara.
euskal presoak
Kepa Urra Almeriako espetxean dagoela jakinarazi dute
Orain arte Cadizko Puerto Santa Maria kartzelan zegoen, baina pasa den asteburuan hortik atera zuten. Urraren familiak ez zuen haren berririk ordutik.
Iruzkinak
Ez dago iruzkinik
Ordenatu
