KERIK GABEKO PINTXOAK

Tabakoaren Legearen inguruko sentiberatze kanpaina hasi zuen atzo Jaurlaritzak, eta Donostiako Parte Zaharrean kalejira bat egin zuten, kerik gabeko tabernak osasuntsuagoak direla ikusarazteko. Erretzen ari ez ziren herritarrak pintxoak jatera gonbidatu zituzten, «kerik gabe». Kalejiraz gainera, hiriko zenbait tokitan informazio liburuxkak eta txapak banatu zituzten. Legearen inguruko xehetasunak www.euskadi.net/tabakoa webgunean bildu dituzte.