Datorren asteazkenean, Euskararen Nazioarteko Egunaren bezperan banatuko dute Anton Abbadia saria. Gipuzkoako Foru Aldundiak urtero ematen du, euskararen arloan egindako lanak nabarmentzeko.
Aurten Kike Amonarriz soziolinguistak jasoko du saria, aldundiak berak iragarri duenez. "Euskarari egindako ekarpenagatik" sarituko dute Amonarriz.
Euskara sustatzeko arloan oso pertsona ezaguna da Amonarriz (Tolosa, Gipuzkoa, 1961). Euskarari buruzko hainbat lan egin ditu —azkeneko, Tribuaren Berbak saioa ETBn—, eta euskarari buruzko hainbat forotan ere parte hartzaile da. Besteak beste, Topagunearen alboan sortutako Topalabea taldeko kide da, eta Berrikasi eta berrikasi agiriaren egileetako bat.
Asteazken iluntzean jasoko du saria, Gipuzkoako Diputazioaren egoitzan.
