Kilometroetako kanta eta bideoklipa aurkeztu dituzte

ANDOAIN. Urriaren 7an egingo dituzte Kilometroak Andoainen (Gipuzkoa), eta atzo aurkeztu zituzten Gipuzkoako Ikastolen aldeko jaiaren abestia eta bideoklipa, Bastero kulturgunean. Antolatzaileek herritarren parte hartzeari eman nahi izan diote garrantzia, eta, horregatik, abestiaren hitzak eta ahotsa herritarrenak izan dira. Aita Larramendi ikastolak antolatuko du jaia.