Foru hauteskundeen ondoren, Uxue Barkosek uko egin zion diputatu karguari, eta, geroztik, Bixente Serrano Izkok hartu du haren tokia. Hala ere, hurrengo hauteskundeei begira Geroa Bairen batzorde iraunkorrak irailaren 1ean hautagaitzak aurkezteko epea ireki zuen. Martinez izan zen bakarra, eta beharrezko abalak izanda, haren hautagaitza berretsi zuen aho batez batzorde iraunkorrak.
Geroa Baik Atarrabian egin du kontseilu nagusia, eta han egin du ofizial Zabaltzen taldeko kidearen izendapena. Espainiako Gorteetako hauteskundeetara aurkeztuko duen programa prestatzeko lanak ere hasi ditu koalizioak. Urrian onduko du programa, eta azaroan onartuko du kontseilu nagusiak.
