Koldo Mitxelena lezoarra aske utzi dute Port Bouko mugan

Koldo Mitxelena Lezoko (Gipuzkoa) presoa gaur arratsaldeko 15:30ean utzi du aske Frantziako Poliziak Port Bouko mugan, Katalunian. Mitxelenak bi urte eta zazpi hilabete eman ditu preso Frantzian –2001eko martxoan atxilotu zuten–, eta azken hilabetea gose greban egon da balizko entrega hori salatzeko. Askatasunak jakinarazi duenez, hamabost kilo galdu ditu Mitxelenak eta oso ahulduta iritsi da mugara.