Kolonbiako Gobernuaren negoziazio taldeko buru Humberto de la Callek FARCi esan dio bi parteek egin behar dutela gatazka amaitzeko "ahalegina". "Errespetua" eta "diskrezioa" eskatu ditu, "akordio eraginkorra" lortzeko. Hurdalen (Norvegia) mintzatu da De la Calle Kolonbiako presidenteorde ohia, gobernuaren eta gerrillaren arteko bake elkarrizketen hasieran.
FARCeko negoziazioburu Luciano Marin Arango Ivan Marquez-ek azaldu du "bakearen amets kolektiboa" dutela. "Gure helburua, elkarrizketa bidez bakea justizia sozialarekin bilatzea da".
