Korrikak "zor historikoa kitatzeko" irtengo du Karrantzatik, ostegunean

Dena prest dago Korrikaren 15. ediziorako. Ostegunean hasiko da, Karrantzatik (Bizkaia). Hain zuzen, "zor historikoa kitatzeko" hasiko da han, inoiz ez da pasatu handik. "Merezi du Karrantzak hasiera hartzea, nahiz eta guretzat ez den erosoa, ez dugulako han beste lekuetan dugun azpiegiturarik", esan du gaur Edurne Brouard antolatzaileak, Bilbon. "Dena dela, 1980an Korrika hasi genuenetik, Karrantzako herriak egin digu harrerarik onena eta berak eman digu laguntzarik handiena".

17:30ean hasiko da Korrika ostegunean, eta apirilaren 1ean bukatuko da, Iruñean. Euskal emakumea omenduko dute, "euskarari heltzeko eta transmisiorako egin duen lanagatik".

Karlos Santisteban idazle karrantzarrak egingo ditu lasterketaren lehen mila metroak.

Korrikak 2.376 kilometro izango ditu.