«Terrorismoari gorazarre» egin dutela egotzita, Debagoieneko sei gazte —bost bergarar eta arrasatear bat— auzipetu dituzte, eta hilaren 30ean Espainiako Auzitegi Nazionalean deklaratu beharko dute. Ustezko delitua iragan Korrikan egin zuten gazteek, lasterka euskal presoen argazkiak agerian zituztela egin izanagatik.
Auzipetuek irmoki salatu dute garai politiko berriaren aurrean «jokaera errepresibo larriek» berean dirautela, eta adierazi dute euskal presoekiko elkartasuna ezin dela delitu izan.
Beren egoera salatzeko agerraldia egingo dute gaur sei gazteek, Bergarako Irizar jauregian, 19:00etan.
Korrikan presoen argazkiak eramateagatik auzipetu dituzte sei gazte
«Terrorismoa goratu izana» leporatuta deklaratu beharko dute Espainiako Auzitegi Nazionalean
Iruzkinak
Ez dago iruzkinik
Ordenatu
