Kostaldean haize denborale arriskuaz oharrarazi dute

Itsasoan eta kostaldean gaur eragina duen haize denboralearen arriskuaz oharrarazi du Eusko Jaurlaritzako Herrizaingo Sailak. Ehun kilometro/orduko baino gehiagoko haizea eta sei metrotik gorako olatuak espero direla esan du.

Donostian, esaterako, Udalak itxi egin du Paseo Berria, olatu handiengatik.



Herrizaingo Sailak denboraleak irauten duen arte ohiko neurriak hartzeko eskatu die batik bat kostaldeko bizilagunei: leihoak eta leihatilak itxi, lorontziak edo haizeak eraman ditzakeen antzeko gauzak etxean sartu, ibilgailuarekin kostako bideak eta gune haizetsuak saihestu, itsasontziak ez erabili eta horien loturak gogor daudela ziurtatu, zuhaitz guneetatik eta kostaldetik ez ibilbiderik egin, lanetan dauden eraikinak saihestu...