Asteartea da, hilaren 10a, eta sanferminak bukatzeko gero egun gutxiago geratzen dira. Hala ere, Iruñeko kaleak festaz gozatzen jarraitzen duten jendez gainezka daude. Asteguna izateko jende asko ikusten da kalean. Asteburuko erresaka pasatuta edo ez, etxekoek jaietan erabat murgilduta segitzen dutela esan daiteke.
Aurtengo jaietan, ordea, alderdi iluna krisiak jarri du. Tabernariek diotenez, jendea gutxiago kontsumitzen ari da, euren abuztua pikutara bidaliz. Baina, krisiak ostalaritzan ez ezik, sanferminetako ekitaldi ohikoenetan ere eragin du. La Unica peñakoak, adibidez, gaurko zezenketa ikusteko 40 txartel dituzte oraindik saldu gabe.
Mañuetako dendan, aldiz, jendea erruz izaten dute, batez ere goiz partean, txurroak erosten.
Krisiak krisi, dirua galtzeko zorian egonda ere, sanferminak urtean behin baino ez dira ospatzen eta horri ekingo diote iruindarrek, larunbat gauerdian Pobre de mi abesteko unea heldu bitartean behintzat.
