Kutxa automatiko bat kiskali dute Barakaldon

Molotov koktel batekin eraso diote bart Barakaldon (Bizkaia) BBKren kutxa automatiko bati. Jaurlaritzako Herrizaingo Sailak agertu duenez, 00:05 aldera gertatu da erasoa, BBK-k Katalunia kalean duen bulegoan. Hain zuzen ere, koktel bat jaurti dute kutxa dagoen aretora. Suhiltzaileek esku hartu duten arren, kutxa erabat kiskalita geratu da.