Hutsune nabaria izan zuen bizikidetzaren aldeko adierazpena sinatzeko ekitaldiak: Arabako, Bizkaiko eta Gipuzkoako hezkuntzan nagusi diren hiru sindikatuek —LAB, EILAS eta ELA— uko egin diote agiria babesteari. Isabel Zelaa sailburuaren jarrera salatu dute. EILASen eta LABen iritziz, orokorregia da testua, ez da ekimen zehatzik ageri. ELAk nabarmendu du denborarik ez diotela eman gogoetarako. Sindikatuen arabera, eztabaidarik ez du onartu Jaurlaritzak: sinatu edo ez, hori jarri die aukeran. Azken urteetako jokabideak ere aintzat dituztela diote LABek, EILASek eta ELAk.
Alor politikoan, aurrerapausoa ikusi dute EAJk eta Aralarrek. Uste dute jarrera aldatu duela Jaurlaritzak. Maribel Vaquerok (EAJ) dio «zuzenketa» egin duela; Aintzane Ezenarrok «norabide aldaketa» ikusi du. Zelaaren agerraldia eskatu dute legebiltzarrean.
LABek, EILASek eta ELAk ez dute bat egin, eta Zelaak agertutako jarrera salatu dute
Iruzkinak
Ez dago iruzkinik
Ordenatu
