Sindikatuak ohar baten bidez azaldu du "zuhurtasunez hitz egin eta azkartasunez ekin beharra" dagoela, eta hori dela eta, familiak ikerketa abiatzeko egin duen eskariarekin bat egiten du. Osasunbideako zuzendaritzak eta Osasun Sailak "inolako sinesgarritasunik" ez dutela iritzita, LABek beharrezko ikusten du batzorde independente bat eratzea.
Sindikatuaren aburuz, Osasunbidearenganako konfiantza "berrezarri beharra" dago, eta horretarako, erakundearen kudeatzaileak aldatu eta Mediterranea de Catering-ekin kontratua bertan behera uzteari egokia deritzo.
Gobernuak hasieratik ukatu egin du zendu den pertsonaren gaitzak loturarik zuela sukaldeetako zerbitzuarekin. Mediterranea de Catering enpresak ere bere ardura ukatu egin zuen, listeriosiak jota pertsona bat gaixo zela jakin eta gero.
