Zer esan asko eman du Espainiako Barne Ministerioak gaur zabaldu duen argazkia. Guardia Zibila Bilboko LABen egoitzan larunbateko manifestazioaren dirua zenbatzen ikus daiteke irudi horretan. Sarek jakinarazi du, baina, diru hori gaur banketxeak ireki bitartean gorde zutela LABek bere bulegoan.
Guardia Zibila LABen egoitzan, Barne Ministerioaren argazkian #JeSuisBasque#AbokatuakLibrehttp://t.co/bkAvlYCrRTpic.twitter.com/bjnPJhLd55
— Jon Ordoñez (@jonordoez) January 12, 2015Azpimarratu du larunbatean bildutako dirua manifestazioak sortutako gastuei aurre egiteko eskatu zutela, eta "konfiskatutako" diru hori itzultzeko exijitu du.
Dirutik haratago, baina, larunbateko manifestazioaren arrakasta ekarri du gogora Sarek, operazioaren irakurketa egiterakoan: "Zaila egiten da presoen eskubideen alde eta dispertsioaren amaiera eskatuz pasa den urtarrilak 10eko mobilizazioaren arrakasta eta gaurko polizia operazio hau banatzea".
Eusko Jaurlaritzari, gertakari hauen larritasunaren aurrean, "argi eta garbi" bere jarrera zein den argitzeko eskatu dio, "hedabideen bitartez jaso badu ere gertakari hauen berri". Salatu du Sarek Espainiako Gobernuak "behin eta berriz" zaharkitutako eszenatoki batera itzultzen" saiatu nahi duela, "konfrontazio eta liskarra besterik bilatzen ez duelako". "Euskal jendarteak arbuiatzen duen eszenatoki bat."
