Langabeziari aurre egiteko, «itun handi bat» proposatuko du Goiak

Donostia «industria teknologikoaren hiriburu» eta «Kantauriko lider turistiko» bihurtunahi du Eneko Goiak, Gipuzkoako hiribururako EAJk proposatu duen hautagaiak. Sektore horiek indartuz egun Donostian den langabezia tasari aurre egiteko oinarriak finkatuko liratekeela uste du. Horretarako, «itun handi» bat proposatuko duela iragarri du. «Beharrezkoa da herritarren itun handi bat egitea, Donostian lanik ez duten 10.000 pertsona baino gehiagorentzat enplegua sortzeko. Horretarako, hiriko eragile ekonomiko nagusiak aktibatu behar ditugu: industria teknologiko eta zientifikoa, merkataritza, turismoa eta ostalaritza».

Zerrendako beste hautagai batzuekin batera eginiko agerraldi batean, bere programaren ardatzak azaldu ditu Goiak. Hala, Miramongo parke teknologikoa handitzearen alde azaldu da; auzoetako merkataritza lehenetsi eta ostalaritza modernizatu behar direla esan du eta, turismoa indartzeko asmoz, «AHTak Donostiara iristeak ekarriko lukeen iraultza aprobetxatu» behar dela adierazi du.