Langraizko zortzi presok bat egin nahi dute Gernikako Itunarekin

Langraizko espetxean dauden zortzi presok bat egin nahi dute Gernikako Itunarekin. Tartean dira, Kepa Pikabea, Joseba Urrosolo eta Carmen Gisasola. Era berean, zortzi preso horiek ukatu egin dute Noticias taldeko egunkariek joan den astean zabaldu zuten informazioa. «Argi utzi nahi dugu Itzulezinezko bake prozesuarekin konprometitutako presoak izenarekin azken elkarrizketa sinatu dugunok ez dugula zer ikusirik senideen delako elkarte berri horren proposamen, sorkuntza eta babesarekin», azaldu dute BERRIAra igorritako gutun batean.