Azpeitiko (Gipuzkoa) Atxubiaga kalean, Landeta auzoan, su hartu du gaur goizean lantegi batek. Inork ez du minik hartu, baina kalte materialak "handiak" izan dira, Eusko Jaurlaritzako Herrizaingo Sailaren arabera.
Oraintsu arte Modaux SL enpresarena izan da eraikina, baina itxita zegoen. Garbiketa eta atontze lanekin hasi dira gaur, eta, agidanez, horretan ari zirela txinpartaren batzuek alde egin dute, eta berehala zabaldu da sua, berniza eta beste material sugarri batzuk harrapatu dituztelako txinpartek.
09:30ean piztu da sua, eta suhiltzaileek ordubete barru kontrolatua zeukaten.
Sutea
Lantegi batek su hartu du Azpeitian
Itxita egon da eraikina hainbat denboran. Garbiketa eta atontze lanetan ari zirela piztu da sutea. Inork ez du minik hartu.
Iruzkinak
Ez dago iruzkinik
Ordenatu
