Garikoitz Etxeberria eta Asier Larrinaga eguerdian utzi ditu Frantziako Poliziak Espainiakoaren esku, Irunen (Gipuzkoa), eta, ondoren, Madrilera eraman dituzte. Han, Espainiako Auzitegi Nazionaleko epaile Juan del Olmok hartu ditu, eta beren kontrako akusazioen berri eman ondoren, espetxeratzeko agindua eman du.
Lehendabiziko aldia da Frantziak ustezko ETAko kideak Espainiaren esku uzteko "salaketa ofizialaren" formula baliatzen duela; hau da, ustez Frantzian egin dituzten delituengatik epaitzeari uko egin eta Espainiaren esku utzi du ardura hori.
Etxeberria eta Larrinaga urtarrilaren 9an atxilotu zituzten Azkainen (Lapurdi), eta egun batzuk lehenago Zornotzan eta Atxondon (Bizkaia= aurkitutako zuloekin zerikusia izatea egotzi zieten. Atxilotu zituztenean armak zeuzkaten, baina Frantziak uko egin dio ustez bere eremuan egindako delitu horrengatik epaitzeari. Arestian aipatu bezala, salaketa ofizilaren formula erabili, eta Espainiari eskatu dio delitu horrengatik ere epai ditzala.
Etxeberria eta Larrinagaren defentsak helegitea aurkeztu zuen Paueko Auzitegiak haien aurkako euroaginduak baimenduz hartutako erabakiaren kontra, Frantziako Auzitegi Gorenean. Gorenak Paueko Auzitegiari eman dio arrazoia, eta, beraz, Espainiara eramango dituzte laster.
Presoak
Larrinaga eta Etxeberria Espainiaren esku utzi ditu Frantziak, "salaketa ofiziala" lehen aldiz aplikatuta
Biak espetxeratzeko agindu du Juan del Olmo epaileak. Urtarrilaren 9an atxilotu zituzten Azkainen (Lapurdi). Frantziako Estatuaren eremuan ustez egin dituzten delituengatik ere Espainian epaituko dituzte, aurreneko aldiz "salaketa ofiziala" erabili baitu Frantziak.
Iruzkinak
Ez dago iruzkinik
Ordenatu
