Milakabilakaren kamioia datorren larunbatean abiatuko da, Hernanitik (Gipuzkoa). Sagarrondotik kultur ekimena izango da ostiral eta larunbatean Hernanin, eta "era askotako jendearen bilgune" izango denez testuinguru hori baliatu nahi dute Milakabilakoek beren kamioia abiarazteko. Izan ere, beren helburua ere era askotako jendea biltzea dela azpimarratu du Maite Aristegi Milakabilakako kideak.
Zehazki, goizeko 11:00etatik 20:00etara egongo da Hernanin Milakabilakaren kamioia, eta jendeak bakearen eta konponbidearen aldeko ekimenari atxikimendua agertzeko modua izango du. Atxikimendu hori adierazteko argazki bat ateratzea proposatzen du Milakabilakak.
Arestian aipatu bezala, Milakabilakak Sagarrondotik-ek Hernanin sortzen duen testuingurua baliatu nahi dute kamioia abiatzeko. Sagarrondotik-ek, berriz, bat egin du Milakabilakarekin.
Bakegintza
Larunbatean Hernanitik abiatuko da Milakabilakaren kamioia
Sagarrondotik ekimenak babesa agertu dio bakearen eta konponbidearen aldeko proposamenari.
Iruzkinak
Ez dago iruzkinik
Ordenatu
