Iruñeko Zigor Epaitegiak lau hilabeteko kartzela zigorra eta 360 euroko isuna jarri dio gaur Salvador Melendez guardia zibilari, desordena publikoa eta delitu itxurak egotzita. 2009ko azaroan Leitzan (Nafarroa) atentatu baten biktima izan zela salatu zuen.
Epaiketa urtarrilean egin zen eta fiskalak zortzi hilabeteko espetxe zigorra eskatu zuen guardia zibilarentzat.
Epaiari helegitea jar diezaioke Nafarroako Lurralde Auzitegian.
