Lau lagun atzeman dituzte droga saltzen zutelakoan

BILBO. 49 kilo heroina eta kilo bat kokaina atxiki zituen Ertzaintzak atzo goizean Bilbon. Eusko Jaurlaritzako Herrizaingo Sailak jakinarazi duenez, 25 milioi euroko balioa du atzemandako drogak. Operazioaren harira, lau pertsona atxilotu zituzten gaur zortzi, Bilbon eta Donostian. Kantauri isurialdeko droga banatzaile sare handiena desegin dute, Ertzaintzaren arabera.