Lau lagun atzeman dituzte Getxon, errusiar mafiarekin lotuta

Ertzaintzak Georgiako lau lagun atxilotu ditu Getxon, Europan errusiar mafiaren aurka egiten ari diren operazio zabalean. 69 pertsona atzeman dituzte denera Europako sei estatutan eta, Ertzaintzaren arabera, Getxoko atxilotuetako bat da mafiaren ustezko buruetakoa -diru kontuen arduraduna-. Euskal Herrian ez ezik, Espainian, Herrialde Katalanetan, Frantzian, Bretainian, Alemanian, Austrian edota Suitzan ere egin dute operazioa.

Lau haien etxebizitzak miatzen ari da Getxon, Rodolfo Ares Eusko Jaurlaritzako Herrizaingo sailburuak jakinarazi duenez. Espainiako Auzitegi Nazionalak aginduta egin ditu atxiloketak.

Estortsioak egin izana, legen kanpoko jarduerak egitea, dirua zuritzea, droga trafikoa, armak edukitzea eta beste hainbat delitu egozten dizkiete.