Azken urteetan hezkuntza publikoan izan diren murrizketek kezkatuta eskatu du Ahal Dugu-k, Laura Perez idazkari nagusiaren arabera, Nafarroako Hezkuntza departamentuak proposatu duen lan eskaintza publikoa "berrikustea". Ez daudela kontra zehaztu du, baina informazio gehiago eskatu du, "eskaintza egoki bat" egiteko. Euskadi Irratian eginiko elkarrizketan egin ditu adierazpen horiek.
Perezen ustez, irakasle postu gehiago behar dira bai euskarazko bai gaztelaniazko hezkuntzan. Hala ere, ez daki zehazten zenbat postu behar diren. Horregatik eskatu diote informazioa gobernuari.
Dena dela, aitortu du azken urteeetan hezkuntzan ez dela politika eraginkorrik abiarazi euskararen alde.
