Aste honetan bigarrengoz Eusko Legebiltzarrean legebiltzarkideei euskaraz lan egitea ukatu zaiela salatu zuen atzo Aralarrek. Rafael Bengoa Osasun sailburuak Arabako Unibertsitate Ospitaleko plan funtzionala aurkeztu zuen Osasun Batzordean, baina gaztelania hutsean bidali zuen Eusko Legebiltzarrera gaiari buruzko txostena. Agiriaren euskarazko itzulpena izan arte aurkezpena atzeratzeko eskatu zuen Dani Maestu Aralarreko legebiltzarkideak, baina batzordeko presidenteak, Carmelo Barrio PPko legebiltzarkideak, ez zuen eskaria aintzakotzat hartu.
Iragan asteartean, EAEko Fiskaltza Nagusiaren 2010eko memoria gaztelania hutsean zegoela eta, euskaraz ere egon arte txosten horren aurkezpena atzeratzeko eskatua zuten Aralarrek eta EAk. Ordua ere alferrikakoa izan zen ahalegina.
Legebiltzarkideei euskaraz lan egitea berriz ukatu zaiela salatu du Aralarrek
Iruzkinak
Ez dago iruzkinik
Ordenatu
