Legebiltzarretik Kongresura

Eusko Legebiltzarreko eserlekua utzi eta Espainiako Kongresura doa Leopoldo Barreda, PPko legebiltzarkide eta Bizkaiko hautetsia (Bilbo, 1960). Atzo izan zuen azken eguna legebiltzarkide moduan. Eusko Legebiltzarrean 21 urte eman ditu PPren ordezkari gisa, etadatorren astetik aurrera diputatua izango da Madrilen.Lanbidez abokatua da, eta 1990tik izan da PPko legebiltzarkidea. 1996tik taldeko bozeramailea izan da, Jaime Mayor Orejaren ordez. PPko Bizkaiko lehendakaria izan zen 1987 eta 1995 bitartean, eta egun Zuzendaritza Batzorde Nazionaleko kidea ere bada. Legebiltzarkide akta uzteko ez ezik, legebiltzarreko lankide eta lagunak agurtzeko eguna ere izan zuen atzo Barredak.•