Legeztatzeko eskatu du Santiago Carrillo PCEko militante historikoak

Santiago Carrillo PCEko idazkari nagusi ohi eta militante historikoak Sortu legeztatzeko eskatu du gaur. Haren hitzetan, "alderdi horretan Batasunako edo ETAko kideak badaude", are eta arrazoi gehiago dago horretarako, "sistema demokratikoan integratzen laguntzeko".

"Ezkerreko eta eskuineko jendea ari da ohartarazten Sorturen atzean Batasuna egon litekeela, baina, hain zuzen, hori da egin behar dena", adierazi du. Carrillok gaineratu du ezin dela legetik kanpo utzi euskal gizartearen ehuneko bat. "Estatu zentralista baten ikuspegiak eskuineko eta ezkerreko hainbat pertsona itsutzen jarraitzen du".