Lehen biltzar nazionala egingo du Goldatu elkarteak larunbatean

Urtarrilean aurkeztu zuten Goldatu, Francoren Diktadura Garaiko Euskal Preso eta Errepresaliatuen Elkartea, eta larunbat honetan egingo du lehendabiziko biltzar nazionala. Gernika-Lumon (Bizkaia) batuko dira, Elai-Alai antzokian, 11:00etan. Gernika-Lumoren bonbardaketaren 75. urteurrenaren harira antolatutako ekitaldiekin ere bat egingo dute hartara, eta Gernika Batzordeak antolatua duen bazkarira joango dira. Helburuak eta jarduerak onartu, eta antolakuntza erabakiko dute Goldatuko kideek larunbatean. Talde eragileko partaideak ere aukeratuko dituzte. Informazio gehiago nahi izanez gero, badute webgunea: www.goldatu.org.