EH Bildu koalizioaren ordezkaritza zabala izan zen atzo Agurainen (Araba) egindako azokan. Komunikabideei eginikoadierazpenetan, Laura Mintegi lehendakarigaiak azaldu zuen EH Bilduk «garrantzi berezia» emango diola lehen sektoreari. Hala, hitzeman zuen nekazaritza, abeltzaintza eta arrantzaren garapena bultzatzeko, Eusko Jaurlaritzaren sailen arteko koordinazio mahai bat sortzeko proposamena egingo duela koalizioak datorren legealdian. Mintegik adierazi zuenez, mahai horren lehentasunak izango dituzte sektoreko langileentzat lan baldintza hobeak ezartzea, ekoizle zein kontsumitzaileentzat prezio duinak ezartzeko baldintzak jartzea eta euskal kostaldeko kaien etorkizuna bermatzeko itsas eremu babestuak sortzea.
«Lurrari eta herriari lotutako ekoizpen eredu eraginkorrak bultzatzeko lan egingo dugu», adierazi zuen Mintegik. Hori gauzatzeko, heziketan, ikerkuntzan eta dibulgazioan inbertsioak sustatzeko konpromisoa hartu zuen.
Lehen sektorea bultzatzeko, sailen arteko mahaia proposatu du Mintegik
Iruzkinak
Ez dago iruzkinik
Ordenatu
