Orain arte, Berriozarko erasoari buruz daude xehetasun gehien. 02:07etan gertatu da leherketa, Rekalde kalean, Bake Epaitegiaren atarian. Navidad zinegotziak agertu duenez, etxean egindakoa zen lehergailua, boltsa baten barruan zegoen, eta leiho baten ondoan paratuta. "Altzari zaharrak eta material informatikoa" hondatu dituela erantsi du.
Horrez gain, leherketak ke handia sortu duela agertu du zinegotziak, eta zabaltzean, ondoko atarietako bizilagunak kalera atera direla beldurtuta.
Foruzaingoak eta Guardia Zibilak inguruak miatu dituzte, badaezpada, beste lehergailuren bat ote zegoen ikusteko.
Erasoak
Leherketak izan dira lau bake epaitegitan
Araba, Bizkaia, Gipuzkoa eta Nafarroako bake epaitegi banatan indar txikiko leherketak izan dira. Berriozarren (Nafarroa) goizaldeako 02:07etan etxean egindako lehergailu bat zartatu da. Halaber, goizaldean egin du eztanda beste lehergailu txiki batek Ordiziako (Gipuzkoa) Bake Epaitegi ondoan. Goizean, zortziak eta hogei aldera, leherketa bat izan da Amurrioko (Araba) Bake Epaitegiaren atzealdean. Minutu gutxiren buruan zartatu da beste bat Gernikan (Bizkaia) =i Gara =i egunkarian ETAren izenean deitu duen pertsona baten abisua jaso ostean. Leherketa guztiek kalte material txikiak eragin dituzte.
Iruzkinak
Ez dago iruzkinik
Ordenatu
