Espeleologoaren senideek atzo jakinarazi zuten hura galduta dabilela. Gauean erreskate lanak eten zituzten, baina gaur goizeko hamarretan hasi dituzte berriro, Kanpezu inguruan (Araba). Ertzaintzaren mendiko salbamendu taldea, txakurrekin aritzen den taldea, miñoiak, Gurutze Gorria eta Arabako espeleologia taldea ari dira bilatzeko lanetan.
Ertzaintzak BERRIAri adierazi dionez, Arabako espeleologia taldeko kidea da desagertu den gizona; 75 urte ditu, eta, dirudienez, inguru horietako leizeen inguruko ikerketa bat egitera joan zen. Segurtasun Sailak atzo jakinarazi zuenez, litekeena da leizeren batean istripuren bat jasan izana.
