Ekainaren 26an gaixotu ziren 13 urteko bi anaia Lekeition (Bizkaia). Ondoezik jarri ziren leku desberdinetan zeudela, eta medikuek susmoa hartu zuten intoxikazioren bat izango zela. Anaietako bat hil egin zen ospitalean.
Azterketak egin zizkieten bi gaztetxoei, eta Madrilen aztertu dituzte. Pozoia aurkitu dute, Ertzaintzak jakinarazi duenez.
Aitak zerikusia duelakoan, Ertzaintzak atxilotu egin du Bilbon, bere etxean. 38 urte ditu gizonak. Lehen ere atzeman zuten, baina aske utzi zuen epaileak. Orain, ordea, Ertzaintzak aurkeztutako froga berriak ikusita, berriro atzeman dute.
