Hodei Egiluz gaztea desagertu denetik zazpi hilabete baino gehiago pasa direnean, haren desagerketa argitzen lagun dezaketen lekuko berriak agertu dira. Segurtasun kamera batzuek grabatutako irudietan oinarrituta, 04:11ean galdu zen Egiluzen arrastoa. Orain, berriz, hogei minutu beranduago harekin egon ziren hiru gazte agertu dira; EITBk zabaldu duenez, Amberesen (Flandria) tabernak dauden inguruan hitz egin zuten Egiluzekin. Lekukoen arabera, "ikaratuta" zegoen eta atzera begiratzen zuen une oro; adierazi dutenez, Egiluzek laguntza eskatu zien, eraso egingo ziotela uste baitzuen. Lekukotza horiei esker, Egiluzen bileraketa erradioa handitu egin du poliziak.
Gazteek adierazi dute Poliziari edo taxiari deitzea nahi ote zuen galdetu zietela, eta hark ezer erantzuten ez zuela ikusita, alde egitea erabaki zutela. Faroek izeneko telebista saioan jorratuko dute Egiluzen desagerketa — argitu gabeko auziak landu ohi ditu saio horrek —.
Egiluzen gurasoak arrasto berriaren jakinaren gainean zeuden.
