Lesio delituak egotzitako bi ertzain, absolbituta

BILBO. Lesio delitu bana egotzita epaitutako bi ertzain errugabetzat jo zituen Bizkaiko Lurralde Auzitegiak apirilean eta maiatzean, Eusko Jaurlaritzako Herrizango Sailak atzo jakinarazi zuenez. Bati, Basurtuko ospitalean (Bilbo) atxilotuta zegoen pertsona bat borraz jotzea leporatu zioten. Bestea, auto bat lapurtzen saiatzen ari zen gizon bat borraz zauritzeagatik salatu zuten; gizonaren mehatxuei aurre eginez jardun zuela ebatzi dute epaian.