Lokarri herritar sareak positiboki baloratu du Eusko Legebiltzarrean ponentzia bat sortzeko proposamena, baina sareak nabarmendu du bizikidetza lortzeko helburua "bateraezina" dela gizartearen "sektore garrantzitsuak" kanpoan uztearekin.
Lokarrik uste du "bazterkerien garaia" amaitu dela, eta ETAk jardun armatuaren amaiera iragarri ondoren, "erakundeei eta alderdi politikoei elkarrekin lan egiteko garaia heldu zaiela, elkarrizketaren eta adostasunaren bidez".
"Egun legez kanpo dagoen ezker abertzaleari" ponentziaren inguruan galdetu beharko litzaiokeela uste du Lokarrik, eta foro horretan parte hartu beharko lukeela.
