LOPEZ, OSPITALE BERRIKO LANETAN

Arabako Unibertsitate Ospitaleko lehen harria jarri zuten atzo Gasteizen. Patxi Lopez Eusko Jaurlaritzako lehendakaria izan zen inaugurazio ekitaldian, eta eraikin berriaren garrantzia azpimarratu zuen. «Gasteizek ez du ospitale bat galduko, bi irabaziko baizik», adierazi zuen. Kanpoko kontsulten zerbitzua eskainiko dute bertan, orain Santiago eta Txagorritxuko ospitaleek banaturik ematen dutena. Urtean 46.000 gaixo artatzea aurreikusi dute.