Lopez: «Urkulluk PPren murrizketa berak egingo ditu»

EAJren aurka egin du Patxi Lopez Eusko Jaurlaritzako lehendakari eta PSEko zerrendaburuak Gasteizen egin duen ekitaldi politikoan. Iñigo Urkulluri Artur Mas Generalitateko presidentearekin zertarako bildu den galdetu dio: «Argazkia egiteko joan da ala hango murrizketetatik ikasteko?». Lehendakariak uste du EAJko presidenteak «ezkutatu» egiten dituela bere benetako asmoak, eta Ajuria Enera iristen bada Mariano Raxoiren gobernuak egindako murrizketa «berberak» egingo dituela eta Ibarretxeren planari helduko diola. PSEk, ordea, «ongizate estatuari» ez diola mozketarik egingo esan du Lopezek.