«Euskal lurralde elkargoa» eskaera zehazteko gogoeta fasea sakonduko du Batera plataformak. Eztabaida pribatu zein publikoak antolatuz, zer-nolako lurralde elkargoa aldarrikatu finkatuko dute. Hautetsien eta Garapen Kontseiluaren barnean ere egitura honen hipotesia «sakonki jorratuko» duen lan talde bat sortu dela jakinarazi du plataformako kide Jakes Bortairuk.
Bestalde, Pirinio Atlantikoetako departamenduko Kontseilu Nagusiari eskatu diote aldarrikapena eztabaida egutegian sartzeko, heldu den martxoko kantonaletako hauteskundeak aitzin. Orokorki, datorren hauteskunde ziklo guztian eskakizuna entzunarazteko xedea daukatela jakinarazi zuten atzo Baionan egin prentsaurrekoan.
Lurralde elkargoaren eskaera zehazteko gogoeta sakonduko du Batera plataformak
Iruzkinak
Ez dago iruzkinik
Ordenatu
