Taoufik Makhloufik (Aljeria) irabazi du urrea 1.500 metrokoan, ustekabea emanda. Leonel Manzanok (AEB) eskuratu du zilarra eta Abdalaati Iguiderrek (Maroko) brontzea.
Kenyarrak ziren faborito nagusiak, baina huts egin dute, haiek ere ezustea emanda. Podiumeko hiru postuak lortzeko faboritoak ziren eta ez dute bat bera ere lortu: Asbel Kiprob azkena izan da, Nixon Kiplimo Chepseba azkenaurrekoa eta Silas Kiplagat zazpigarrena.
Kiprob zen irabazteko hautagai nagusia. Hura zen orain arteko egungo olinpiar txapelduna —Pekinen 19 urte besterik ez zituela irabazi zuen, Rashid Ramziri berezko txapeldunari EPO CERA topatu baitzioten—, eta iaz munduko txapelketa irabazi zuen. Finalean zeudenen artean 3.29tik beherako marka zuen bakarra zen.
1. Taoufik Makhloufi (Aljeria). 3.34.08.
2. Leonel Manzano (AEB). 3:34.79.
3. Abdalaati Iguider (Maroko). 3:35.13.
Altuera jauzia (G)
1. Ivan Ukhov (Errusia). 2.38 metro.
2. Erik Kynard (AEB). 2.33.
3. Mutaz Essa Barshim (Qatar). 2.29.
3. Derek Drouin (Kanada). 2.29.
3. Robert Grabarz (Erresuma Batua). 2.29.
Disko jaurtiketa (G)
1. Robert Harting (Alemania). 68,27 metro.
2. Ehsan hadadi (Iran). 68.18.
3. Gerd Kanter (Estonia). 68.03.
100 metro hesidunak (E)
1. Sally Pearson (Australia). 12.35. Olinpiar errekorra egin du.
2. Dawn Harper (AEB). 12.37.
3. Kellie Wells (AEB). 12.48.
